تضحية حب..

[صمت الكلام]

{ابطل هذه القصة هم:فاطمة بنت جميله في الثالث متوسط لكنها مقصرة بعض الشئ في دروسها وصديقتها زينب جميلة واجمل مافيها عيناها ولكن هي عكسها تماما و صديقتهم الأخيرة هي زهراء وهي دائما تكون في صف فاطمة }
هذي القصة مقسمة الى جزئين الجزء الأول خمس فصول والجزء الثاني عشر فصول


(( الفصل الأول*الجزء الأول*))
فاطمة كانت جالسة لوحدها تنتظر زينب (( لأنها اياها في صف)) جت زينب: هاي بنات
مجموعة من البنات :اهلين زينب ممكن تقعدي معانا شوي؟؟!!
وهم هاجمين على زينب جت فاطمة,وهي ساحبة ايد زينب بقوة : لا لامو ممكن لأنها الحين بتروح اياي
زينب: وين على الله؟؟!!
فاطمة: انتي فسخي عباتك بعدين افهمك
زينب تفسخ عباتها وعلامات الأستفهام والأستغراب لوجها
زينب وفاطمة طلعوا من الفصل زينب: ماقلتيلي وين رايحين؟؟
فاطمة: لزهراء وين رايحين بعد..
زينب : اها .... اويش بنسوي هناك؟؟!!
فاطمة : زينب وش هالغباء الا طالع منك ؟؟ ليش يعني بنقعد معاها
زينب : وليش هيه يعني ماجي لينا على راسها ريشة ولا على راسها ريشة !!
فاطمة: بلا سخافة
زينب: بل بل كل هذا دفاع عنها
فاطمة:امشي امشي قبل لا امشيك بمزاجي
زينب: يما يما خوفتيني
راحو لفصل زهراء ماشافوها فقررو انهم يطلعوا برى الساحة ينتظروها هناك طلعوا وقعدوا على الكرسي المحطوط برى
فاطمة: انشالله ماطول
زينب بنبرة صراخ: ليش يعني اني مو عاجبتنك ولا مو عاجبتنك؟؟
فاطمة : بلا صراخ فضحتينا
زينب : آخ منك آخ
قعدوا لحد ماملو زينب كانت بتنام من كثر الملل لكن فاطمة صحتها وقالت ليها: شوفي من جاء....
زينب فتحت عيونها: ها زهراء جت؟؟
فاطمة: لا الدب جاء
زينب : اي واحد؟؟
فاطمة: الكبير
زينب: مالت عليك حسبالي الأكبر
قعدوا قعدوا لين ماملوا وستحروا قرروا يدخلوا اول مادخلواحسوا ان في احد وراهم داروا وشافوا .....
((ياترى من بشو فوا وراهم ؟؟ ويش تتوقعوا الى اخر زهراء جذي ؟؟؟ هذا الي بنعرفه في الفصل الثاني*الجزء الأول*))
هذي اول قصة لي ابي تشجيعكم عاد

[حمال الأسية]

يسسسسلمو ع القصهـ

يعطيك ربي العـــــآآفيـــهـ

ننتظر الاجزآآء الباااقيـــهـ

[أسيـرة أحـلأآمـي]

قصــه رآئـعه غآليتـي..

تسـلم يمنـآك على الطـرح

بأنتظار الأجزاء الآتيه

تقبلي مروري المتواضع

شموع الظلام

[صمت الكلام]

((الفصل الثاني*الجزء الأول*))
قعدوا قعدوا لين ماملوا وستحروا قرروا يدخلوا اول مادخلواحسوا ان في احد وراهم داروا وشافوا زهراء تصيح ودموعها على خدها وعباتها كلها ماي فاطمة وزينب بدهشة: ويش فيش ويش صاير؟؟!!
زهراء بنبرة صياح: ماني قايله هنا خلونا نروح ورى الساحة
وفعلا راحوا ورى الساحة فاطمة وزينب بعجلة وخوف: ها وش صار؟؟!!
زهراء مخففة نبرة الصياح: واني جاية المدرسة شفت سيارة حمراء لماعي وقفت في طريقي طلع منها واحد وااااي على جماله
فاطمة: الحين بتتغزلي في الرجال لو بتقولي السالفة؟؟
زهراء: لا باقول المهم طلع لي
وقالي : تحبي اوصلك لأي مكان؟؟
اني بكل غرور: لا طبعا منهو انت عشان توصلني<<قالتها وهي تأشر عليه بأصبعها من فوق لتحت بستهزاء
قالي: ولو احنا معرفة من زمان معقوله ماذكرتيني؟؟
اني بكل شجاعة: لا مابي اعرفك ولا أذكرك ولا تذكرني
واني مابي اذكر واحد زيك يوقف بنات الناس في الشارع على حجة انه يعرفهم
الرجال: بل بل اكلتيني بقشوري حتى ماخليتيني ادافع عن روحي
زهراء: اوهو اني اروح عنك احسن
الرجال مسك ايد زهراء
زهراء بنفعال: انت كيف تسمح لنفسـ...
الرجال ايقاطعها : لما ترجعي بيتكم بتعرفي
زهراء: وهذا الي صار
زينب: زين والماي الي تارس عباتك؟؟
زهراء:بعد ما رحت ومشيت كانت عند المدرسة بركة ماي وصخة دست عليه<<كانت معصبه وماطلعت قدامها
فاطمة وزينب:ههههههههههه
زهراء :ماقلت شئ يضحك
زينب : زين، خلونا نظف عباتك ومريولك ونعدل تسريحة شعرك عشان لاحد يشك ((هم دايم مايروحو المدرسة الى متكشخين ))
نظفوها وراحت كل وحدة لصفها
----------------
في صف زهراء في وقت الحصة كانت قاعدة على كرسيها وحاطة ايدها على خدها وتفكر
زهراء تقول: ياربي منهو هذا ؟؟ ليش مسك ايدي؟؟ طيب ليش قالي لما ارجع البيت باعرف؟؟ معقوله واحد من الأهل ؟؟ اني ليش ما جرجرته في الكلام عشان اعرفه؟؟ اوهو اني ليش قاعدة افكر فيه خله يولي بس هو شكلته يعرف كلشي عني؟؟
----------------
في وقت حصة عند زينب وفاطمة
زينب تساسر فاطمة
زينب: تتوقعي وشو تسوي زهراء الحين؟؟
فاطمة: لهدرجة هامك امرها!!
زينب: لا بس فضولي شتغل
فاطمة: اه منك ومنها
المعلمة: في شئ يابنات؟؟
فاطمة وزينب: لا لا مافي شئ ابله
المعلمة: زين هذا وقت دراسة مو وقت سوالف
--------------
في وقت الفسحة فاطمة وزينب للحين في الصف
زينب:دي يالله خلصة الفسحة وانتين للحين قاعدة
فاطمة: يا غبية اليوم المناوبه على الدب عشان جدي اني ابي اتأخر عشان اشوفهاواضحك واني رايحة الفسحة وتنفتح شهيتي للأكل
زهراء قعدة تستناهم في ماكانهم المعتاد ما شافتهم قالت في نفسها :اروح اتمشى احسلي
قبل لا تقوم سمعت ضحكت زينب(( لأنها مميزة)) واول ماراحو لزهراء زهراء هاجمة عليهم: ها ويش صاير ؟؟ قولولي ويش صاير له ؟؟
زينب وفاطمة في وقت واحد: بل بل اكلتينا بقشورنا
زهراء: جا بيض عشان اكلكم بقشوركم (( زهراء طبعه كذه خفيفة دم))
زينب بمسخرة : ه ه ه ه ه بايخااااااااة
زهراء: مو ابيخ منك
زينب: ولا منك
(( زينب وزهراء طبعهم كذا مايتفاهمو وكل يشابقوا ومع هذا يحبوا بعض مهما صار يتصالحو))
فاطمة: خلاص خلاص فضحتونا لاتشابقو
زهراء:زين على شانك بس
زينب رافعة حواجبها: علشان ان هيه .....
فاطمة: زينب خلاص له
زينب: زين زين
زهراء: دي قولولي ويش صاير؟؟ لواه زينب تضحك؟؟
زينب: اي صحيح دكرتيني هذا...
مامداها تمل كلامها الى وفاطمة تقاطعها: لا مافي شي الوضوع تافه مافي شئ
زينب: دام انه تافه لي ماتخليني اقوله!!
زهراء: واضح لأنه تافه
فاطمة: ه ه ه ه ه بلا سخافة ثنتينكم ترى مالي خلقكم
زهراء: ماني قولولي الحين
زينب :ولا شئ بس الست فاطمة
فاطمة تقاطعها: زينب
زينب: او سوري قصدي السيدة فاطمة كانت تنتظر الدب وتالي جت ابلة غيرها ههههه لو تشوفي كيف صار وجه فاطمة تموتي من الضحك هههههه
زهراء: حراااام
زينب: يالله بدينا اروح اشتري من المقصف احسلي
بعد مارجعت زينب قعدو يسولفو
فاطمة: يوم الخميس وين بنجتمع؟؟
زهراء: الا قبله كان عندك يعني هذا عندي
زينب: خلاص الساعة كم؟؟
زهراء: حياكم الله في اي وقت حتى لو بجو الساعة أربع الفجر ماعندي مانع
زينب وفاطمة في نفس الوقت:ه ه ه ه ه تنكتي حضرتك!!
زهراء: لا اتغشمر ههههههه
فاطمة :ماصخة وفاضية
زهراء: ماصخة زيديها ملح وإذا فاضية ترسيها حشو
زينب: الله يعينا عليها لين رحنا بيتهم
صار على البيت كل وحدة راحة بيتها
--------------
في بيت فاطمة اول شي اعرفكم على عايلتها
{فاطمة عندها ثلاثة اخوان الأول محمد وهذا اكبرهم وعمره 16سنة وتالي هيه وعمرها 15 سنه واخوانها الأثنين البقية صغار علي وعبدالله علي عمره خمس سنين وعبدالله عمره اربع سنين وام محمد وابو محمد}
فاطمة متعودة اول ماجي من المدرسة تبوس راس ابوها و بعد ماتصلي وتغير ملابسها تروح لأمها وتساعدها في تحضير السلط
فاطمة راحة غرفة اخوها محمد وقالت: هلا وغلا بأحلى اخو في العلم(( عشان البي ليها طلبها))
محمد: الله الله من وين طالعة الشمس كل هذا الترحيب لي اكيد مو لله
فاطمة بدلع: واني امته ماتغزلت فأخوي حبيبي حمودي
محمد: خلصي وش تبي؟؟
فاطمة: سلامتك بس ابي احجزك يوم الخميس توصلني بيت صديقتي زهروه
محمد: كرت انا عشان تحجزيني لو تكسي بتأجريني!!
فاطمة:ه ه ه ه ه لاتصير زي زهراء
محمد بفضول: هيه كذه
فاطمة: اي وبلا مغازل
اخلص بتوديني لو لا
محمد: زين زين
فاطمة:ياااي انت احلى اخو عندي
محمد:جا عندك غيري!!
فاطمة: اي علي وعبدالله
محمد:ه ه ه ه ه ادري
فاطمة: دام انك تدري ليش تسأل؟؟!!
محمد :عباطة
فاطمة : اروح عنك احسن
-------------
في بيت زهراء{زهراء عدها اخو في أول ثنوي من زمان ماشافته من ست سنين لأن يدرس في اميركا لكن هو يعرفها لأن امه دايم ترسله صورها }
زهراء: اماه غناتي حياتي عمري
الأم: اعرفك كل هالغزل اكيد تبي شئ امري
زهراء:لا بس صديقاتي بجوا يوم الخميس وابي ايكون بيتنا غير شكل
الأم: هههههه
زهراء : ليش تضحكي؟؟!!
الأم :لأن طلبك غريب
زهراء: ويش فيه؟؟!!
الأم: شلون تبين اكون شكله غير؟؟ نغيرة يعني
زهراء:لالا قصدي اغير شكل البيت
الأم: زين روحي لغرفة اخوك فيها تحف من اميركا اخذي الى يعجبك وحطيهم في المجلس وروحي محل الورد اشتري باقة ورد وحطيها
زهراء:شكرا يا احلى ام
زهراء راحت الى غرفة اخوها اول مادخلت شافة واحد نايم خافت ونزلت وقالت لأمها عن الى شافتة
الأم : اي وش صار الولد ونايم في غرفته ويش فيها يعني
زهراء: اي ولد؟؟ اماه انتي تعرفيه؟؟(( قالتها وهي مرتبكة))
الأم: ويش فيك مرتبكة هذا اخوك رجع من اميركا
زهراءبفرحة:رجع متى ليش ماقلتولي؟؟ يا الله وحشني تغير؟؟ احلو؟؟ شخباره؟؟
الأم: بل بل كل هذيل تبيني اجاوبك عليهم دكو عندك وروحي اسأليه
زهراء:اي والله واني وش الي منطرني خلني اروح
طلعت وراحت ركض لغرفته
دقت الباب علي كان متلحف عدل كان ولا شئ يبين
علي بصوت نايم: من؟؟
زهراء: اني اختك دلوعتك ماعرفتني؟؟ أني زهراء بعد في عندك احد غيري!!
علي: زين دخلي
زهراء شافته متلحف شالت للحاف وهي تقول: دي قوم
تفاجأت زهراء لما شافت وجهه وخافت ورتبكت
زهراء برتباك وتفاجاء: اااا انت
علي:اي انا الى وقفتك وحبيت اوصلك وقتلك بعد انك بتذكريني اذا رجعتي البيت
زهراء للحين متفاجئة:لحظة لحظة يعني الى وقفني اهو نفسة انت علي اخوي!!
علي توه مصحصح:اي
زهراء:وي ريحت بالي اني كنت خايفة ان واحد غريب الحمد لله الحمد لله اهو انت
علي:الحمد لله تبي شئ ترى حدي تعبان والعصر بيجو رجال فمالي خلق وجع راس الحين قولي وش تبي وخلصيني
زهراء:سلامتك كنت ابي بعض التحف الا تجيبهم من اميركا
علي:اخذي الى تبيه انا من عندي غيرك((ببتسامة))
زهراء: شكرا يا احلى اخو
------------
في بيت زينب {زينب وحيدة امها وابوها لكن عدها خال مدللها دلال مو طبيعي لأنه اكبر مناها بسنة فأي شئ تطلبة منه يلبيه إليها وهو مغمض عينه}
زينب:اماه اليوم الأربعاء فشرايك اروح لخالي انام عنده اليوم وبكرة
الأم: زين لكن بس اليوم وبكرة ان اتأخرتي ماخليك تنامي عنده
زينب:الله يخليك لي يا احلى ام
راحت زينب واتصلت لخالها بجوالها
زينب:هلا بأحلا وأغلا وأروع خال في كل هذا العالم
الخال:علي علي ويش صاير
زينب:لا مافي شئ بس ابي ....
الخال:تبي تنامي عندي يومين
زينب بدهشة:ااا أنت كيف اعرفت؟؟!!
الخال:ببساطة امك قبل لا تتصلي اتصلت لي وقالتلي
((لأن عدهم تلفون في المطبخ لكن زينب ماتحب تتصل الى بجوالها))
زينب:زين انت اموافق؟؟
الخال:وانا من الي غيرك
زينب:الله يخليك لي يا احلى خال
سكرت وراحت تجهز لما جا الخال زينب:اماه مايحتاج تفتحو الباب هذا اكيد خالي اني رايحة باااااااااي
لما راحت ماشافت خالها حست بأحد
من وراهاالخال :بو
زينب:يما حسين ويش فيك خوفتني
حسين: الله الله الله واخيرا واخير
زينب:ويش فيك؟؟طارت فيوزك!!
حسين:لالا الى اعظم انتي قلتي اسمي ما قلتي خالي
زينب:الحمد لله والشكر الحين على اني قلت حسين ما قلت خالي يلزم كل هذا الجنون الحمد لله والشكر بس الحمد لله والشكر
حسين:اشوف عطيتك وجه واجد يالله ركبي السيارة بدل لا اركبك بمزاجي
زينب رافعة حواجبها :زين زين
حسين:اي بنات مايجو الى بالعين الحمرة
لما ركبو السيارة ماحد تكلم((لأن زينب زعلانة)) لين ماوصلو هي راحت الغرفة المجهزة إليها لأنهيه دايم يوم الأربعاء والخميس تروح الى خالها لأن هوه مو متزوج وأمه وأبوه متوفيين ((اي جدة وجد زينب))
زينب قامت اصيح لأن اول مرة خالها يعصب عليها سمعت دق الباب ماردت لأنها زعلانة منه
حسين: زينب افتحي بلا عناد
زينب ماردت
حسين:زينب بتفتحي لو اكسر الباب!!
زينب فتحت الباب ودموعها على خدها
حسين:زينب الله يخليش ترى ماقدر اشوفك اصيحي قلبي يتقطع
زينب بنبرة صياح وبعض الغرور:لو قلبك يتقطع زي ما قلت كان مارفعت صوتك علي
حسين: زينب والله انا ماكنت اقصد خلاص عاد سامحيني ((ابتسم)) يالله عاد
زينب ابتسمت:خلاص سامحتك بس على شرط
حسين:وشو هذا الشرط بعد؟؟
زينب:بكرة اتوديني بيت صديقتي زهراء
حسين ابتسم:زين
في اليوم التالي
زينب دايم تتكشخ اذا راحت الى صديقاتها ((وكلهم نفس السالفة))
زينب:خالي صخنت السيارة؟؟!!
حسين:اي انتي خلصتي تمكيج كأنك بتروحي عرس مو بيت صديقتك
زينب:ه ه ه ه ه ضحكتني
حسين:يالله امشي قبل لا يضيع علينا الوقت
زينب:يالله
------------
في بيت زهراء
زهراء :اماه جهزتي الحلويات؟؟
الأم:اي حتى الفاكهة والعصير والمكسرات انتي نزلتي اتحف؟؟
زهراء:اي
الأم:اشتريتي الورد؟؟
زهراء:يو نسيت باروح الحين
--------------------
في السيارة
زينب:خالي ممكن اسألك سؤال؟؟بس ترد ابصراحة
حسين: تفضلي
زينب:خالي انت ليش كل معارض فكرة الزواج؟؟
حسين:لأن بصراحة يصير الرجال زي المحبوس في قفص اصير امراقب في كل حركة وكل خطوة اسويها فأن ماحب اصير مراقب من مرة نقاقة هدارة زيك
زينب:يعني اني الحين نقاقة!!
حسين:لا وهدارة بعد
زينب:افا اني دلوعتك تقول عني هذا الكلام
حسين:انتي قلتيلي اجاوب بصراحة
زينب:يعني هذا رايك فيني بصراحة
حسين بكل برود: لا انا جبت مثال
زينب: لا وشو فرقت نفس المعنى
حسين:امزح اياك عاد ماتتقبلي المزح
زينب: ياثقل دمك
حسين ابتسم:زعلتي!!
زينب من غير نفس:لا
-----------
نرجع لزهراء لبست عباتها واحت محل الوردوكان محمد هو الى ايبيع((لأن المحل شراه من صاحبه))
زهراءفي نفسها:وااااي وش هذي الحلاوة وش هذي الأناقة وااي وااي روعة
محمد:اهلين اي خدمة!!
زهراء توها مستوعبة:ها اي ابي باقة ورد اتكون متنوعة الألوان
محمد:انشالله
زهراء من كثر ما اعجبت به قامت اطلع فيه وتلاحظ تنسيقه للورد شلون حليو وهو احليو
محمد: الباقة صارت جاهزة تفضلي
زهراء مارد عليه كانت اطلع فيه وفي جماله
محمد: ااا لو سمحتي في شئ؟؟!!
زهراء توها مستوعبة: ها اي شكرا
اخذت الباقة وراحت البيت بسرعة حطت الورد في المزهرية وجهزة كل شئ
بعدين راحة المطبخ شافة امها لابسة عباتها
زهراء: اماه وين رايحة؟؟
الأم:السوق واخوك علي بروح لصدقانه
زهراء:يعني مابكون احد في البيت؟؟!!
الأم:ايه
لما وصلت زينب رحبت فيها زهرا ء قعدو يسولفو لين ماوصلت فاطمة وقعدو يهدرو ويسولفو
زينب:وي اعطشت
فاطمة: اكيد بتعطشي من كثر ماتحشي في الناس
زينب:اسكتي اسكتي.. زهروه قومي جيبيلي ماي
زهراء: والله هذي المرة كل واحد يخدم حاله لأن البيت مافي احد كلهم طلعو
زينب: زين زين بس خلني اشوف اخوك لو ابوك ادبحك
((هم دايم متعودين ان اذا اجتمعوا في بيت اي وحدة يفصخو عبيهم))
راحت المطبخ لما مسكت الماي وقررت اتروح ليهم حست ان احد ايكلمها((زينب خجوله لدرجة موطبيعية من تشوف اي واحد علطول يفزع قلبهافشلون اذا كانت متمكيجة وفاله شعرها وفاصخة؟!))
دارت وجها وعلطول صرخت صرخة قوية
((ياترى ليش صرخت زينب؟؟!! ومن الى شافته؟؟!! وللحين ماتعرفنا على حبيبة فاطمة؟؟!! وهل رح تنجذب زهراء لمحمد؟؟!! هذا الى راح نعرفة في الجزء الثالث))